Taulant Toma, 41 vjeç, i dënuar për grabitje dhe vjedhje me afat dënimi deri në vitin 2048, është arratisur sërish nga burgu i sigurisë së lartë në Opera, Milano. I njohur për arratisje “spektakolare”, ai ka mundur të largohet për herë të katërt nga një institucion penitenciar.
Sipas të dhënave paraprake, arratisja ka ndodhur gjatë natës mes 6 dhe 7 dhjetorit. Taulant dyshohet se ka prerë hekurat e dritares së qelisë dhe më pas është ulur nga ndërtesa duke përdorur çarçafë të lidhur mes tyre. Ende nuk është e qartë se si ka arritur të kapërcejë murin rrethues të burgut, i cili është rreth 6 metra i lartë, dhe nëse ka pasur apo jo bashkëpunëtorë të jashtëm.
Gennarino De Fazio, sekretar i përgjithshëm i sindikatës së policisë penitenciare UILPA, ka theksuar se situata në burgun e Operas është jashtëzakonisht e vështirë:
“Brenda institucionit ndodhen 1.338 të burgosur për vetëm 918 vende të disponueshme, një mbipopullim prej 153%. I gjithë sistemi menaxhohet nga 533 oficerë, ndërkohë që do të duheshin të paktën 811.”
Arratisjet e mëparshme të Taulantit
2009 – arratisje nga burgu i Ternit.
2013 (shkurt) – arratisje nga burgu i sigurisë së lartë në Parma, së bashku me shtetasin Frokaj Vamentin, i cili më vonë u vra gjatë një grabitjeje në vilë. 2013 (shtator) – arrestohet në Belgjikë dhe dërgohet në burgun e Latin, pranë Liezhit.
2013 (dhjetor) – arratiset sërish nga burgu belg.
Aktualisht, policia italiane ka nisur kërkime të gjera për kapjen e tij
