Ditën e sotme qarku i Elbasanit është përfshirë nga mot i keq, me rënie të ndjeshme temperaturash, reshje të dendura shiu, breshër dhe erë të fortë.
Sipas të dhënave paraprake, gjatë natës dhe paradites së së shtunës, në disa zona malore, veçanërisht në bashkinë e Gramshit, janë regjistruar stuhi të fuqishme të shoqëruara me rënie të pazakontë breshëri.
Fenomene të ngjashme janë shënuar edhe në disa fshatra malorë të bashkive Librazhd dhe Prrenjas, ku reshjet ishin të dendura, por me kohëzgjatje të shkurtër.
Deri më tani nuk janë raportuar dëme materiale apo në bujqësi, ndërsa autoritetet lokale po monitorojnë nga afër situatën në rast të përkeqësimit të kushteve atmosferike.
