Sali Berisha
SPAK konfirmoi zyrtarisht se Sali Berisha ka firmosur për marrjen e urdhër-thirrjes për të dëshmuar lidhur me vrasjet e 4 protestuesve gjatë demostrarës së dhunshme të 21 janarit 2011.
“Sot më datë 17.11.2025, gjatë zbatimit të masës "detyrim paraqitje" në Prokurorinë e Posaçme, z. Sali Berisha është njohur dhe ka nënshkruar urdhër-thirrjen lidhur me procedimin penal nr.138 të vitit 2024 (çështja e 21 Janarit), përmes të cilës, i kërkohet të paraqitet në Prokurorinë e Posaçme, në datën dhe orën e caktuar”, njoftoi SPAK.
Berisha ka refuzuar dy fletëthirrje të mëparshme, duke pretenduar se nuk ishte njohur me asnjë document të SPAK. Burimet thonë se ai është thirrur për të dëshmuar të premten më datë 21 nëntor.
