Struktura e Posaçme Kundër Korrupsionit dhe Krimit të Organizuar ka vendosur t’i kthejë pronarit automjetin tip “Land Rover Defender”, i cili u përdor më 12 gusht 2025 në rrëmbimin e biznesmenit Gerond Meçe, pronar i kompanisë “ABS”.
Automjeti me targë “AC 121 JJ” i është kthyer Endrit Merkaj, pasi sipas SPAK mjeti është këqyrur dhe nuk ka rezultuar të ketë të dhëna me interes për hetimin.
Në këtë çështje, SPAK akuzon Ergys Agasin dhe Ermal Beqirin se kanë urdhëruar rrëmbimin e Meçes me qëllim që ai të tërhiqej nga tenderat e AKSHI-t. Të dy biznesmenët janë aktualisht në kërkim.
Ndërkohë, në arrest shtëpie ndodhen Mirlinda Karçanaj, ish-drejtoreshë e AKSHI-t, si dhe ish-zëvendësja e saj, Hava Delibashi.
