SPAK pritet t’i komunikojë sot në orën 11:00 Ilir Metës mbylljen e hetimeve.
Avokati i tij, Kujtim Cakrani, deklaroi se do të jetë i pranishëm, dhe bashkë me të edhe ish-presidenti. Ilir Meta është marrë i pandehur nga Prokuroria e Posaçme për akuzat e korrupsionit, pastrimit të parave dhe fshehjes së pasurisë.
Bashkë me të akuzohen ish-bashkëshortja e tij, Monika Kryemadhi, Ema Çoku dhe Piro Xhixha, të cilëve u është komunikuar më herët mbyllja e hetimeve. Pas pushimeve verore, SPAK pritet ta dorëzojë dosjen për gjykim në Gjykatën e Posaçme. Ilir Meta mbahet në paraburgim prej tetorit 2024 dhe përpjekjet e tij për të lënë qelinë kanë dështuar deri më tani.
