SPAK në bashkëpunim me autoritetet italiane të Breshias, ka zhvilluar një tjetër operacion të gjerë antidrogë, duke goditur për herë të dytë grupin e drejtuar nga Elvis Doçi, i njohur si “Visi i Pojës”. Operacioni është shtrirë paralelisht në disa qytete të Shqipërisë dhe Italisë, ndërsa mediat italiane kanë publikuar listën e plotë të personave të arrestuar.
Arrestime në Itali – në burg
Sipas mediave italiane, në kuadër të operacionit janë ndaluar këta persona:
• Vincenzo Bruno
• Arlin Buzali
• Donald Cala
• Gazmend Ferhati
• Elton Gjegja
• Adriatik Hasa
• Erion Kapidani
• Oltion Lala
• Asti Llupi
• Denis Myttiu
• Altin Shehaj
• Gazmend Shehu
• Bledin Doci
• Elvis Doci
• Juljan Hyka
• Eduart Leba
• Gentian Shaba
• Ogert Shqevi
• Denis Tafili
• Indrit Tafili
• Klodian Vata
Arrestime në Itali – në arrest shtëpie
• Giuseppe Iorio
• Erald Salla
• Enkeleid Tirjaku
Arrestime në Shqipëri
Gjatë aksionit të zhvilluar paralelisht në Tiranë, Durrës, Elbasan, Cërrik dhe Kavajë janë arrestuar:
• Asti Llupi, Durrës
• Erald Salla, Cërrik
• Altin Shehaj, Kavajë
Po ashtu është ndaluar edhe Igli Haxhiaj, oficer i Antiterrorit dhe më herët pjesë e Forcave Operacionale.
Si funksiononte rrjeti?
Grupi kriminal i goditur dyshohet se ka trafikuar sasi të mëdha kokaine nga Amerika e Jugut drejt Italisë dhe më pas drejt vendeve të tjera të Europës. Sipas hetimeve, organizata kishte struktura të mirëpërcaktuara, me baza operacionale në disa qytete të Shqipërisë, ndërsa trafiku realizohej përmes rrugëve detare dhe tokësore.
Operacioni konsiderohet ndër më të mëdhenjtë e këtij viti dhe vjen pas goditjes së parë të këtij grupi, duke çuar në shkatërrimin e një prej rrjeteve më të rëndësishme të trafikut ndërkombëtar të drogës.
