Sabah Nuzi dhe Samet Loka, janë arrestuar me urdhër të SPAK pasi dyshohen për veprat penale vrasje për gjakmarrje, fshehje dhe asgjësim kufome, grup i strukturuar kriminal lidhur me rrëmbimin, vrasjen dhe fshehjen e trupit të Klevis Lleshit.
Në kërkim janë shpallur Aurel Hoxha, i njohur edhe me emrin Aurelinjo Kalaveri 36 vjeç dhe shtetasi Sajmir Kolaveri të dyshuar për të njëjtat akuza.
Vrasja makabre e Klevis Lleshit u zbulua nga zbardhja e komunikimeve në SKY ECC. Aurel Hoxha është vëllai i Agim Hoxhës që u vra dhe dogj në Britani në 2012 nga Arben Lleshi. Nga familja Lleshi janë vrarë dhe zhdukur 5 persona, përfshirë edhe Arben Lleshin brenda në burgun e sigurisë së lartë në Peqin.
