SPAK shpalli pretencën për ish-deputetin socialist Jurgis Çyrbja dhe dy të pandehurit e tjerë.
Për Çyrbjan u kërkua dënimi me 3 vite burgim për akuzat tregtim i sekretit shtetëror në disa raste; përkrahje autori të krimit disa herë; korrupsion në zgjedhje në vitin 2021. Për shkak të gjykimit të shkurtuar dënimi ulet në 2 vite.
E njëjta masë dënimi u kërkua për Altin Hajrin, për akuzat korrupsion në zgjedhje dhe tregtim të sekretit shtetëror.
Ahmet Masha u dënua përfundimisht me 1 vit e 8 muaj burgim për tregtim të sekretit shtetëror dhe përkrahje e autorit të krimit.
Ish-deputeti u arrestua pas zbërthimit të komunikimeve në Sky ECC. Ai ndodhet në burg për gati 1 vit bashkë me Ahmet Mashën. Altin Hajri është në kërkim pasi ka dhe akuzën për rrëmbimin, vrasjen dhe zhdukjen e Jan Prengës në 2020 në Kamëz.
