Gjykata e Gjirokastrës caktoi masën e sigurisë “arrest me burg|” për tre të dyshuarit e përfshirë në ngjarjen e Këlcyrës, ku një 16-vjeçare u ngacmua seksualisht, ndërsa një punonjës police u shantazhua me video intime.
Pajtim Baka, punonjës policie, njerku i vajzës dyshohet për ngacmim seksual të të miturës dhe u la në paraburgim. Kristian Prifti, 46 vjeç që dyshohet se kishte krijuar një lidhje me vajzën, me fotot e saj shantazhonte 53-vjeçarin Artur Ago, gjithashtu punonjës policie, që ti pagunte një shumë prej 10 mln lekësh me qëllim që të mos i publikonte videon intime. Prifti dyshohet për akuzën e shtrengimit për dhënie pasurie. Isi Pasha, 26 vjeç shok i Priftit dyshohet se kishte dijeni për të gjitha detajet e ngjarjes dhe nuk ka kallëzuar. Si Prifti ashtu dhe Pasha janë lënë në paraburgim. Ndërsa, Ago punonjës policie që tashmë është në kërkim, dyshohet për ngacmim seksual të të miturës.
