Gjykata e Posaçme ka vendosur të ndryshojë masën e sigurisë për Hava Delibashin, ish-zëvendësdrejtoreshë e Agjencisë Kombëtare të Shoqërisë së Informacionit, e dyshuar si pjesë e grupit kriminal të drejtuar nga Ergys Agasi paraqitet në SPAK.
Më herët, nëpërmjet mbrojtësit të saj ligjor, Delibashi kishte deklaruar në institucionet e drejtësisë se është shtatzënë, duke kërkuar edhe zbutjen e masës së sigurisë.
Ajo mbahet prej muajsh nën masën e arrestit në shtëpi.
Delibashi po hetohet veprat penale “shkelje të barazisë në tendera e kryer në formën e bashkëpunimit, atë të grupit të strukturuar kriminal, grup i strukturuar kriminal dhe kryerja e veprave penale nga grupi kriminal.
SPAK pretendon se brenda AKSHI-t vepronte një grup i strukturuar kriminal që drejtohej nga biznesmenët Ergys Agasi dhe Ermal Beqiri, të cilët urdhëronin rrëmbimin e rivalëve, sikurse ishte Gerond Mece dhe i detyronin të tërhiqeshin nga tenderat.
Dy biznesmenët janë në arrati, ndërsa ish-drejtoresha e AKSHI-t Mirlinda Karçanaj dhe Delibashi ndodhet në arrest shtëpie. Për 3 biznesmenë te tjerë dhe një zyrtar policie gjykata e posaçme ka caktuar masat e ndalimit për të dalë jashtë vendit apo pezullim nga ushtrimi i funksionit.
