Situata nga moti i keq vazhdon të jetë problematike në disa zona të vendit. Në Fier, lumi Seman ka dalë nga shtrati, duke përmbytur disa stalla dhe pemishte në Mbrostar, ndërsa në zonën e Ngurrëz Imësht në Lushnje, rreth 200 hektarë tokë bujqësore mbeten nën ujë si pasojë e të njëjtit lumë.
Në qytetin e Beratit situata është normalizuar, megjithatë në fshatra ende ka ujë në tokat bujqësore.
Ndërkohë, në Vlorë, niveli i lumit Vjosa luhatet nga 7.8 deri në 8.3 metra. Për dy ditë me radhë, Vjosa ka shënuar luhatje të vazhdueshme në këtë kuotë, pa rënë ende poshtë zonës së rrezikut.
