Seanca ndaj të pandehurve për dosjen e njohur 5D në Gjykatën e Posaçme Kundër Korrupsionit dhe Krimit të Organizuar është shtyrë, pasi ish-drejtori i bashkisë, Redi Molla, dhe avokatët e tij nuk ishin prezentë.
Redi Molla ndodhet në “arrest shtëpie” për shkak të gjendjes shëndetësore. Një nga avokatët mungoi për shkak të problemeve shëndetësore të një familjari, ndërsa avokati tjetër kishte njoftuar gjykatën se nuk mund të paraqitej për arsye personale shëndetësore.
Seanca e radhës për këtë çështje është caktuar më 10 dhjetor.
Redi Molla po hetohet për dosjen 5D, që solli arrestimin e disa drejtuesve në Bashkinë e Tiranës. Ai akuzohet për korrupsion pasiv, pastrim parash dhe mosdeklarim të pasurisë.
