Gjykata e Posaçme vendosi të shtyjë seancën gjyqësore paraprake për dosjen Meta-Kryemadhi. Shkak u bë mungesa e avokatit të Monika Kryemadhit, ndërkohë që në seancë SPAK dorëzoi prova të reja.
Para gjykatës, Kryemadhi deklaroi se SPAK po tenton të mbajë në burg Ilir Metën, ndërsa atë dhe familjarët e saj nën presion.
Ja çfarë deklaroi Kryemadhi para GJKKO:
“Qesharake dhe e dhimbshme që sot jemi në këtë standard për shkak të asaj që ndodh edhe sot në këtë gjykatë dhe në sistemin e drejtësisë.
Hetimi vijon, edhe pse dosja hetimore duhet të ishte mbyllur më 27 korrik, prokuroria vijon heton merr letërporosi, pra hetimi për mua, Metën dhe nënën time nuk ka mbaruar. Pra ne vijojmë të jemi në hetim paraprak. Kjo bërt për të mbajtur Metën në burg dhe mua e familjarët e mi nën presion dhe për të arritur një inat personal, ata që e bëjnë janë ushtarë të bindur të Yuri Kim.
Një gjë të mirë kishte sot seanca, sepse sot kemi kompanitë apo personat që ka paguar fatura në emër të LSI. Del në pah grushti i shtetit apo puci ndaj familjes time apo rrethit shoqëror. Një kompani amerikane ka paguar për lobim në SHBA. Që nga ky moment akuzat për lobimin nuk bëjnë gjë tjetër veçse ngarkojnë me faj kompaninë GSIS, që ka pranuar që në llogarinë e një kompanie lobimi të paguhen para në emër të një partie shqiptare.
Tani do nisë të zbardhet skema e gjuetisë së shtrigave të Yuri Kim që për fat të keq nuk e zgjidh dot me një bursë në Angli për xhelatin e saj që ka në SPAK.”
