Seanca e radhës paraprake në Gjykatën e Posaçme ndaj ish-presidentit Ilir Meta, ish-gruas së tij Monika Kryemadhi dhe tre të pandehurve të tjerë, do të shtyhet, për shkak se avokatët janë solidarizuar me kolegun e tyre Kujtim Cakrani.
Ky i fundit u godit nga dy persona në Vlorë, teksa hyri në një karburant për të furnizuar automjetin. Personat që e goditën nuk janë identifikuar ende. Policia e Vlorës tha se ka dyshime se avokati Cakrani u dhunua për motive të dobëta.
Kujtim Cakrani mbron në përballjen me drejtësinë ish-presidentin e vendit Ilir Meta ndaj të cilit rëndojnë akuza të tyre, si korrupsion e pastrim parash. Aktualisht mbrojtësi ligjor e ka lënë spitalin dhe ndodhet në banesën e tij.
