Sipas parashikimeve ligjore, Klodjan Braho pritej të merrte zyrtarisht detyrën në një ceremoni të organizuar nga Këshilli i Lartë i Prokurorisë. Megjithatë, për shkak se anëtarët e KLP-së ndodhen në një vizitë zyrtare në Spanjë, ceremonia është shtyrë për ditën e hënë.
Klodjan Braho, me një përvojë 18-vjeçare në sistemin e prokurorisë, u zgjodh kryeprokuror i ri i SPAK më 11 dhjetor, në një proces votimi të zhvilluar në prani të përfaqësive diplomatike.
Ceremonia e marrjes së detyrës do të mbahet ditën e hënë, në orën 10:00, në Sallën e Mbledhjeve të SPAK, dhe do të transmetohet drejtpërdrejt për publikun.
