Pas tre orësh kërkimesh, Shërbimi Zjarrfikës i Himarës ka lokalizuar dhe shpëtuar një çift turistësh izraelitë, të moshës 22 vjeç, të cilët kishin humbur kontaktet më herët gjatë ditës.
Turistët u gjetën në zonën e Gjipesë dhe aktualisht po shoqërohen nga forcat zjarrfikëse drejt një vendi të sigurt. Sipas raportimeve, ata ndodhen në gjendje të mirë shëndetësore dhe nuk kanë pasur nevojë për ndërhyrje mjekësore. Operacioni i shpëtimit zgjati tre orë dhe u zhvillua në kushte të vështira, pasi terreni ku u gjetën turistët, ishte i thepisur.
