Një shpërthim ka ndodhur mbrëmjen e sotme në qytetin e Shkodrës, pranë një subjekti privat. Lënda plasëse është vendosur në biznesin “LufaPrint”, që operon në fushën e prodhimit të reklamave dhe është në pronësi të shtetasit Lulzim Mehmeti.
Sipas të dhënave paraprake, lënda plasëse dyshohet të ketë qenë tritol, ndërsa deri më tani nuk raportohet për persona të lënduar.
Policia ka mbërritur në vendngjarje dhe ka nisur hetimet për identifikimin e autorëve dhe zbardhjen e motivit të shpërthimit.
