Një shpërthim i fuqishëm me lëndë eksplozive ka tronditur lagjen “Gafurr Muça” në Lushnjë, në orët e para të mëngjesit.
Lënda plasëse dyshohet se është vendosur në hyrje të banesës së Shaqe Gjatës, në katin e parë të një pallati. Ajo është nëna e Klea Gjatës, e njohur si e dashura e Laert Haxhiut, i dënuar me burgim të përjetshëm dhe i lidhur me botën e krimit.
Fatmirësisht, nga shpërthimi nuk raportohet për të lënduar, por janë shkaktuar dëme të konsiderueshme materiale në hyrje të banesës si dhe në ambientet përreth.
Policia ka rrethuar zonën dhe po punon për identifikimin e autorëve dhe zbardhjen e motivit të ngjarjes, ndërsa pista kryesore e hetimit lidhet me të kaluarën kriminale të Laert Haxhiut.
