Një efektiv policie dhe një punonjës i një biznesi janë përplasur dhe kanë krijuar momente paniku paraditen e sotme në zonën e quajtur “Malajziani” në kryeqytet.
Mësohet se konflikti ka nisur pasi punonjësit e një lokali i kanë kërkuar efektivit të largonte automjetin e parkuar pranë ambientit të tyre, duke pretenduar se po pengonte zonën e shërbimit. Debati mes palëve është tensionuar me shpejtësi, duke kaluar nga përplasje verbale në nxjerrjen e armëve.
Pamjet e siguruara nga vendi i ngjarjes tregojnë momentin kur polici i nxjerr armën e shërbimit djalit me të cilin është konfliktuar.
Por ndonëse kanë kaluar 6 orë nga ngjarja, Policia ende nuk ka bërë asnjë reagim për rastin në fjalë. Ende nuk dihet se kush është oficeri i cili përdor armën e shërbimit për të kërcënuar qytetarët dhe për të zgjidhur konfliktet e tij të çastit.
