Një ngjarje e rëndë ka ndodhur mbrëmjen e sotme në aksin rrugor Lezhë–Rrilë, ku 35-vjeçari Petrit Pepkola është dhunuar rëndë nga disa persona. Sipas raportimeve, Pepkola është nxjerrë me forcë nga automjeti me të cilin po udhëtonte dhe më pas është goditur me shkop bejsbolli.
Dyshohet se shkak për sherrin mes 35-vjeçarit dhe autorëve ka qenë një vajzë.
Fillimisht ai është dërguar në urgjencën e spitalit të Lezhës, ku ka marrë ndihmën e parë dhe më pas është dërguar drejt Spitalit të Traumës në Tiranë për trajtim të specializuar.
Sipas burimeve gjendja e tij është e rënduar. Ndërsa autorët janë ende të pa identifikuar.
