Një tjetër ngjarje e rendë me protagonistë dy fëmijë është regjistruar në shkollën private 9-vjeçare 'Dea' në Sarandë. Sipas njoftimit të policisë bëhet me dije se një 13-vjeçar ka goditur me thikë një 15-vjeçar.
“Sot, rreth orës 10:00, në ambientet e një shkolle jopublike 9-vjeçare në lagjen nr.3, Sarandë, gjatë një konflikti për motive të dobëta, dyshohet se një nxënës 13 vjeçar, ka goditur me mjet prerës një të mitur, 15 vjeç, i cili ndodhet në spital, jashtë rrezikut për jetën”, njoftoi sot policia.
Sherret dhe plagosjet e të miturve në ambjentet e brendshme apo të jashtme të shkollave janë kthyer në një fenomen shqetësues. Më herët, Martin Cani u vra me thikë te Shkolla Fan Noli ndërsa miku i tij u plagos. Një tjetër i mitur u plagos në Durrës dhe ndërroi jetë disa ditë më vonë në spital.
