Në Gjykatën Administrative po zhvillohet seanca gjyqësore për shqyrtimin e kërkesë-padisë së Erion Veliajt, i cili kërkon konstatimin si absolutisht të pavlefshëm të dekretit të presidentit për emërimin si prokuror të Olsi Dados. Në seancë është i pranishëm vetë kryebashkiaku, ndërsa Olsi Dado përfaqësohet nga avokati Erarbër Madhi.
Sipas Veliajt, Dado është emëruar në kundërshtim me ligjin si prokuror. Por kryebashkiaku ka shfrytëzuar fjalën e tij për të folur edhe për hetime që nuk kanë lidhje me çështjen për të cilën ka paditur prokurorin e çështjes së tij.
Ai, ndër të tjera, ka ricikluar deklarata nga propaganda e tij, duke thënë se në Bashkinë e Tiranës ka mbjellë vetëm pemë dhe ka ndërtuar çerdhe.
Ndërsa gjyqtari i ka bërë thirrje disa herë që të fokusohet te kërkesa e padisë.
Diskutime nga seanca:
Erion Veliaj: S’jam këtu për mëshirë, s’jam këtu për dramën e familjes time. Jam këtu për të treguar se çfarë i shkaktoi kjo Bashkisë së Tiranës? Nesti Angoni nuk ekziston, nuk di kë të kallëzoj.
Gjyqtari: Fokusohu te çështja. Gjykata ka detyrë të orientojë te procesi.
Veliaj: Cili është dëmi që i kam shkaktuar Tiranës? Se kam mbjellë pemë? Se kam ndërtuar 50 shkolla e çerdhe?
Gjykata: Fokusohu te objekti i kërkesë-padisë.
Veliaj: Me Olsi Dadon jam në konflikt interesi, pasi ai, me telefonin e prokurorisë, ka kërkuar leje ndërtimi.
Seanca është në vijim...
