Një 85-vjeçare ka rënë aksidentalisht nga kati i tretë i banesës së saj në një pallat në lagjen nr.18 të qytetit të Korçës.
E moshuara dyshohet se është rrëzuar pa dashje dhe ka mbetur e bllokuar midis murit të godinës dhe një motori kondicioneri.
Policia dhe zjarrfikësit ndërhynë menjëherë, duke arritur të nxjerrin të moshuarën në mënyrë të sigurt. Ajo po merr trajtim mjekësor në banesë nga ekipi i ambulancës dhe mësohet se ndodhet jashtë rrezikut për jetën.
