Gjykata e Posaçme la në fuqi masën e sigurisë "arrest në burg" për vëllezërit Kristi dhe Aleksander Bushgjokaj, të dyshuar për rrëmbimin dhe vrasjen e 22-vjeccarit Renis Dobra. Dosja u kalua nga prokuroria e Dibrës për në SPAK pasi u zbulua se krimi ishte kryer në kuadër të një grupi kriminal.
Dy të dyshuarit e tjerë Fation Bushgjokaj dhe Petrit Çakrri do të dalin në ditët në vijim para gjykatës. Ngjarja ndodhi mbrëmjen e 8 korrikut të 2025. Dobra dyshohet se u vra për shkak të përplasjes së grupeve në trafikun e drogës.
Ngjarja doli në dritë pasi babai i Renisit raportoi zhdukjen e të birit në polici. Pas disa orësh kërkime, trupi i pajetë i të riut u gjet pranë liqenit të Shkopetit, në fshatin Madhesh të Matit. Policia bëri të ditur se Dobra ishte rrëmbyer dhe më pas ishte mbytur me litar.
Autorët tentuan të zhduknin trupin dhe makinën duke i hedhur në liqen, por trupi i viktimës nuk përfundoi në ujë, ndërsa automjeti u gjet në liqenin e Ulzës.
