Policia e Sarandës ka reaguar në lidhje me raportimin se një person ishte rrëmbyer në Qafë Gjashtë të Sarandës. Policia sqaron se 19-vjeçari Françesk Mani ndodhet në ambientet e komisariatit të Sarandës ku po jep deklaratën e tij lidhur me një mosmarrëveshje që ka pasur me një tjetër person.
Ndërsa vijon puna për identifikimin e personave të përfshirë dhe sqarimin e plotë të ngjarjes.
Sarandë/Informacion paraprak
Në lidhje me një njoftim të publikuar në media, se një shtetas është rrëmbyer në qytetin e Sarandës, ju informojmë se:
Shtetasi i identifikuar me iniciale F. M, 19 vjeç, aktualisht ndodhet në ambientet e Komisariatit të Policisë Sarandë, në gjendje të mirë shëndetësore, dhe po jep deklaratën e tij lidhur me një mosmarrëveshje që ka pasur me një tjetër shtetas.
Vijon puna për sqarimin dhe dokumentimin e plotë të këtij rasti, si dhe për identifikimin e personave të përfshirë në të.
