Reni Ashiku, një prej njerëzve të besuar të ish-ministres së Bujqësisë, Frida Krifca, u pyet sot në SPAK lidhur me skandalin e abuzimit me fondet e IPARD.
Kallëzimi për abuzimet u bë nga Zyra Evropiane Kundër Mashtrimit (OLAF), pas hetimeve mbi mënyrën e administrimit të fondeve në bujqësi.
Ashiku dyshohet se ka qenë në qendër të skemës së mashtrimit. Me rekomandimin e OLAF, Bashkimi Evropian ndërpreu qindra miliona euro ndihma për fermerët shqiptarë nga programi IPARD 3, pas hetimit mbi abuzimet në AZHBR, për të cilat u akuzua ish-ministrja Krifca.
Çështja e fondeve IPARD mbetet një nga dosjet më të ndjeshme që lidhen me menaxhimin e fondeve të BE-së në Shqipëri dhe me përgjegjësinë institucionale për bllokimin e mbështetjes për fermerët.
