Kryeministri Edi Rama po zhvillon disa takime të njëpasnjëshme në Vilën 30 në Tiranë. Ai është takuar me ministrin e Brendshëm, Besfort Lamallari, ministrin e Drejtësisë, Toni Gogu, si edhe ministrin e Pushtetit Vendor, Ervin Demo.
Në takim janë thirrur edhe tre zv.ministrat e Brendshëm: Xhemal Qefalia, Silvia Caka dhe Anisa Ruseti.
Gjithashtu, Rama ka pritur drejtorin e Komanduar të Policisë së Shtetit, Sokol Bizhga, si dhe drejtorin e Illyrian Guard, Florenc Spaho.
Takimet zhvillohen në një kohë kur pritet të nisë faza e marrjes në pyetje të kandidatëve për postin e Drejtorit të Përgjithshëm të Policisë së Shtetit.
