Gjykata e Shkodrës caktoi masën e sigurisë “arrest me burg” për Ragip Gilën, autorin e dyshuar të masakrës me 2 të vrarë dhe 2 të plagosur. Gila, sipas burimeve nga seanca, nuk ka dhënë asnjë deklaratë.
Prokuroria kërkoi “arrest me burg”, ndërsa avokati mbrojtës, kryesisht i caktuar nga gjykata, e la në dorë të gjykatës vlerësimin për masën. Gjyqtarja Ermira Dedja vendosi masën “arrest me burg”.
Gila ekzekutoi Armando Palin dhe Liridon Krajën alias Lushi. Të plagosur mbeten Erogen Vaso dhe Meri Kaceri. Vrasja dyshohet të ketë motiv hakmarrjen për shkak të përplasjeve mes grupeve kriminale në Shkodër.
