Një ngjarje e rëndë është regjistruar në një kopsht në Tiranë, ku një edukatore dyshohet se ka ushtruar dhunë ndaj një fëmije.
Prindërit e të miturit kanë denoncuar rastin, duke bërë të ditur se edukatorja e ka goditur me shuplakë fëmijën e tyre. Pas denoncimit, policia referoi materialet në Prokurorinë e Tiranës, e cila ka nisur hetimet ndaj shtetases E. D., 28 vjeçe.
Autoritetet po hetojnë rrethanat e ngjarjes dhe përgjegjësitë ligjore të edukatores, ndërsa rasti ka ngritur shqetësime për sigurinë e fëmijëve në institucionet parashkollore.
