Personi në foto është Sokol Daci, 30-vjeçari i cili një ditë më parë mbeti i plagosur nga breshëria e plumbave në Lezhë.
Në orët e vona të mbrëmjes së të dielës në Lezhë në një berberhane mbeti plagosur Sokol Daci, i njohur si Coli, berberi. I pranishëm në berberhane ka qenë dhe një punonjës policie.
Ai ka deklaruar se ka qëlluar me armë, por aka mundur të shohë autorët e sulmit.
Dyshohet për një person të dytë të plagosur ndaj policia po ushtron kontrolle paai nuk është paraqitur në spital. Dyshohet për një pjesëtar të familjes Nikulaj.
Lezhë/Informacion paraprak
Rreth orës 21:00, salla operative e DVP Lezhë është njoftuar se në qendër të fshatit Rrilë, Lezhë, ka ndodhur një plagosje me armë zjarri.
Menjëherë në vendngjarje kanë mbërritur shërbimet policore, ku ka rezultuar se ka mbetur i plagosur shtetasi S. D., 30 vjeç, banues në Rrilë. I plagosuri është transportuar në spital dhe ndodhet nën kujdesin e mjekëve.
Nga veprimet e para hetimore rezultoi se shtetasi S. D. ndodhej në biznesin e tij në momentin kur është qëlluar me armë zjarri.
Shërbimet e Policisë kanë ngritur pika kontrolli dhe po kryejnë krehjen e zonës, me qëllim identifikimin dhe kapjen e autorit/autorëve.
Grupi hetimor, nën drejtimin e Prokurorisë, po vijon veprimet për zbardhjen e plotë të rrethanave të ngjarjes.
