Përfaqësues të kompanive të transportit të udhëtarëve dhe mallrave që operojnë në linjën me Italinë zhvilluan sot një grevë në portin e Durrësit, në shenjë proteste ndaj linjës së trageteve.
Sipas tyre, kompania ka rritur çmimet e biletave dhe tarifat ndaj operatorëve, duke ndikuar ndjeshëm në aktivitetin e tyre ekonomik.
Si pasojë e protestës, janë regjistruar vonesa deri në 5 orë në lëvizjen e trageteve, duke krijuar vështirësi për pasagjerët dhe duke ndikuar në normalitetin e qarkullimit detar.
Gjatë zhvillimit të grevës janë bërë përpjekje për dialog mes përfaqësuesve të kompanive dhe drejtuesve të linjës së trageteve, por palët nuk kanë arritur në një dakordësi, ndërsa situata është raportuar e tensionuar.
