Grupi i këshilltarëve të PS në bashkinë Durrës, ka vendosur të mos votojë për pikën e subvencionimit të qirave për familjet e prekura nga TID, pas protestave të banorëve.
Në mbledhjen e sotme të Këshillit Bashkiak, grupi i këshilltarëve të shumicës vendosi të mos kalojë në votim këtë mbledhje, pa pjesëmarrjen e këshilltarëve të opozitës.
Pika u shty për mbledhjen e ardhshme duke i dhënë shpresë banorëve banesat e të cilëve do të shemben nga projekti.
Kujtojmë se banorët kanë protestuar edhe gjatë paradites së sotme, ku janë përplasur me këshilltarët bashkiak dhe policinë.
