Zbulohen të tjera detaje të tjera në lidhje me ngjarjen e rëndë që ndodhi sot në Gjykatën e Apelit të Juridiksionit të Përgjithshëm, ku Elvis Shkambi vrau gjyqtarin Astrit Kalaja dhe u plagosën dy të tjerë.
Babai i autorit, Gjon Shkambi, pak vite më parë kishte deklaruar për mediat se është pronari i ish-shkollës së rezervave në Shkodër. Në denoncimet që kishte bërë në media, ai pretendonte se ishte pronar i godinave ku jetonin 31 familje, dhe se pronat i kishte me dokumentacion të rregullt, të fituar përmes proceseve gjyqësore. Në atë kohë, Shkëmbi kërkonte nga policia dhe përmbarimi lirimin e pronave të tij.
Në vitin 1992, 31 familjet, me vendim të Bashkisë Shkodër, u vendosën në godinën e ish-shkollës së rezervave të ndërtimit. Mendohet se ky është edhe shkaku i ngjarjes së sotme, pasi vetë autori ka pranuar krimin në Komisariatin Nr. 1. Ai ka pranuar vrasjen dhe ka thënë se e qëlloi gjyqtarin sepse po humbiste një çështje pronësie.
“E qëllova sepse po humbisja një gjyq. Isha korrekt me letrat e mia,” ka dëshmuar ai në Komisariatin Nr. 1.
Gjyqtari Astrit Kalaja u vra sapo shpalli vendimin dhe ishte ngritur për t'u larguar nga salla. Autori i dyshuar është Elvis Shkambi, nipi i Gjon Shkëmbit, i cili ishte palë në proces.
Më pas, ai ka qëlluar mbi palën kundërshtare në proces, babë e bir, Rakip dhe Ervis Kurtaj.
