Një 33-vjeçar me shtetësi holandeze është proceduar penalisht nga Policia në Korçë, pasi u filmua duke ushtruar dhunë ndaj vajzës së tij në zonën e Pazarit të Ri.
Sipas pamjeve, i riu kap dhe tërheq për flokësh vajzën e mitur, e cila qante gjatë ngjarjes. Nëna e vajzës ishte pranë, por nuk ndërhyri për të ndaluar dhunën. Nga hetimet e para rezultoi se i proceduari është babai biologjik i vajzës.
Materialet i janë dorëzuar Prokurorisë pranë Gjykatës së Shkallës së Parë të Korçës, ndërsa ndaj tij është nisur procedim penal për “Keqtrajtimin e të miturit”. Policia apelon qytetarët të denoncojnë çdo rast dhune ndaj fëmijëve për hetim të mëtejshëm.
