Një sasi e madhe molotovësh të pashpërthyer janë kapur nga policia. Molotovët ishin planifikuar për t'u përdorur gjatë protestës së opozitës. Ndërhyrja e shpejtë e forcave të rendit ka bërë që një pjesë e madhe e këtyre mjeteve të mbeten të pashpërthyera, ndërsa janë arrestuar katër të rinjtë që i mbanin në çanta.
Ndryshe nga herët e kaluara, policia zbatoi një protokoll të rreptë sigurie, duke krijuar kordonë të pakalueshëm që penguan afrimin e protestuesve drejt selisë së Kuvendit.
Deri në këto momente, raportohet se janë shoqëruar në komisariat mbi 20 persona të dyshuar për pjesëmarrje në akte dhune dhe kundërshtim të forcave të rendit.
