Policia e Shtetit zhvilloi këtë të martë ceremoninë në kuadër të 113 vjetorit të krijimit të saj, ndërkohë që hetimet e SPAK për zyrtarë të lartë të saj janë duke avancuar me ritme të shpejta.
Kryepolici Ilir Proda tha ndër të tjera se: “Policia e Shtetit nuk stepet, nuk thyhet dhe nuk ndalon kurrë. Ajo zhvillohet, trajnohet dhe punon çdo ditë më mirë, për qytetarin dhe ligjin. Përpos kësaj, organizata jonë nuk është perfekte, ashtu si dhe ne nuk jemi të tillë. Të gjithë ne jemi në sfidë të përditshme, sfidë me veten, sfidë me standardet, sfidë me pritshmëritë, për të mësuar nga gabimet dhe për t’u përmirësuar”.
Gjatë këtyre 113 viteve, 231 punonjës policie kanë humbur jetën në krye të detyrës në përballje me krimin.
