Detaje të reja janë mësuar nga krimi i rëndë që tronditi Malishevën, ku Astrit Isufi vrau me armë zjarri dy vëllezërit Morina, kunetërit e tij. Sipas informacioneve të fundit, ngjarja ndodhi ditën e djeshme, kur Isufi kishte shkuar në banesën e dy vëllezërve Morina për të marrë bashkëshorten e tij, pas ngushëllimeve për vdekjen e babait të saj.
Mësohet se Astrit Isufi kishte precedentë penalë. Ai është dënuar më parë nga Gjykata e Prishtinës për dhunë në familje, pasi kishte sulmuar bashkëshorten e tij, madje edhe gjatë ditës së Kurban Bajramit. Dosjet gjyqësore tregojnë se më 30 mars 2025, rreth orës 15:00, Isufi kishte rrahur gruan e tij dhe e kishte kërcënuar se, nëse ajo do të ndahej, do t’ia vriste familjen.
Për këto vepra, Gjykata Themelore e Prishtinës e kishte dënuar me rreth 5 muaj burg, ndërsa Gjykata e Apelit e la dënimin në 3 muaj dhe e gjobiti me 300 euro.
