Petrit Qoli, një prej të pandehurve në dosjen Plumbi i Artë, është ndalur në seancën e kësaj të marte tek vrasja në vitin 2009 e Fatmir Xhindit, deputet i Partisë Socialiste. Ngjarjen në fjalë ai e përmendi teksa po i drejtonte pyetje të penduarit të drejtësisë, Skerdi Tase.
“A ke dijeni për vrasjen e deputetit Fatmir Xhindi? A ke gisht në atë ngjarje, se atë di unë që është vrarë nga afër”, pyeti Qoli.
Gjykata ndërhyri duke i ndërprerë pyetjet Qolit, si edhe urdhëroi të penduarin të mos i jepte përgjigje.
Skerdi Tase ka dhënë dëshminë e tij pas dy të penduarve të tjerë, Nuredin Dumani dhe Erion Alibej, i njohur si Krymi.
