Përplasen në procesin Plumbi i Artë në GJKKO dy të penduarit e drejtësisë, Nuredin Dumani dhe Erion Alibej.
Ky i fundit, i njohur me nofkën “Krymi” deklaroi në seancë teksa iu përgjigjej avokatëve se ishte ai personi që i tregoi Nuredin Dumanit për masakrën e Bradasheshit, ku Alibej humbi vëllain, Endrit Alibej, xhaxhain Arben Dylgjeri dhe një shtetas turk, mik i tyre.
"Nuredini nuk më pranoi që vëllai i tij të ishte në ngjarje. Mbase ishte ndonjë hatërmbetje me vëllanë e tij", tha Alibej.
Deklerata e tij solli reagimin e ashpër të Dumanit. “Është mashtrim. Duhet të kërkosh falje për këtë”, tha ai.
Gjykata urdhëroi që Nuredin Dumani të zhvendosej nga forcat speciale që i kanë në ruajtje, me qëllim që të mos kishte kontakt viziv me Alibejn.
Dumani, Alibej dhe Skerdi Tase janë të penduar në procesin Plumbi i Artë.
