Një konflikt i ndodhur mbrëmjen e sotme në Shëngjin përfundoi me plagosjen e një personi. Sipas burimeve zyrtare, përplasja mes disa personave nisi për shkak të një vendi parkimi dhe u përshkallëzua në dhunë fizike.
Ngjarja ka ndodhur në zonën e Kunes, ku një prej të përfshirëve është goditur me sende të forta në kokë. Personi i plagosur u transportua me urgjencë drejt Spitalit të Traumës në Tiranë, ku po merr ndihmën mjekësore të specializuar.
Policia mbërriti menjëherë në vendngjarje dhe ka shoqëruar njërin prej autorëve të dyshuar, i cili aktualisht po merret në pyetje nga organet kompetente. Hetimet për zbardhjen e plotë të rrethanave dhe identifikimin e personave të tjerë të përfshirë në konflikt janë në vazhdim e sipër.
