Një plagosje me armë zjarri është regjistruar në zonën e njohur si “Farmacia 10” në Tiranë.
Sipas informacioneve paraprake, i plagosur ka mbetur shtetasi Ilirjan Dosti, i cili është transportuar me ambulancë drejt spitalit për ndihmë mjekësore. Raportohet se ai ka marrë plagë në zonën e barkut.
Ende nuk dihen shkaqet dhe rrethanat e ngjarjes, ndërsa në vendngjarje po kryhen veprimet hetimore nga autoritetet për të zbardhur plotësisht dinamikën e ngjarjes.
Tiranë/Informacion paraprak
Më datë 17.04.2026, rreth orës 19:10, në një lokal në rrugën “Imer Ndregjoni” është plagosur, dyshohet me armë zjarri, shtetasi I. D., rreth 45 vjeç, i cili po merr ndihmë mjekësore në spital.
Grupi hetimor ndodhet në vendngjarje dhe po punon për identifikimin dhe kapjen e autorit, si dhe sqarimin e plotë të rrethanave të rastit.
