Gjykata e Posaçme iu komunikoi masën e arrestit me burg Rezart Kuçit, oficer policie dhe Flodian Plakut i njohur si Pole Qorri, të akuzuar si pjesë e grupit të Inez Hajrullës, që urdhëroi vrasje dhe kryente trafik droge.
Në total u firmosën 8 urdhër-arreste për të dyshuarit si pjesë e grupit, por vetëm 2 prej tyre u arrestuan në Tiranë, ndërsa një në Zvicër, ish-oficeri Hamëz Demushi, ndërsa të tjerët, përfshirë Inez Hajrullën dhe Ervis Matodashaj janë në arrati.
SPAK nga hetimet zbardhi vrasjen e Gentian Qarrit, që u urdhërua nga Hajrulla dhe planin për të kryer vrasjen e Bledar Bircaj. Ndërsa u zbardhën disa episode të trafikut të kokainës.
Rezart Kuçi, oficer policie në detyrë, ishte dekoruar disa kohë më parë për arritje në detyrë, në një kohë që ishte pjesë e grupit kriminal dhe vepronte për llogari të Inez Hajrullës.
