Një aksident i rëndë me pasojë vdekjen është regjistruar rreth orës 17:10 në kryqëzimin e fshatit Gramëz, në Fushë-Krujë.
Sipas informacioneve paraprake, automjeti me drejtues shtetasin N. R., rreth 73 vjeç, është përplasur me një tjetër automjet që drejtohej nga shtetasi R. M., rreth 22 vjeç.
Si pasojë e përplasjes ka humbur jetën Tereze Laska, 65 vjeçe, e cila udhëtonte si pasagjere në njërin prej mjeteve.
Nga aksidenti janë dëmtuar gjithashtu të dy drejtuesit e automjeteve, si dhe një këmbësore, shtetasja A. S., rreth 40 vjeçe. Të plagosurit janë transportuar në spital dhe ndodhen nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e rrethanave dhe shkaqeve të aksidentit.
Njoftimi plotë i policisë
Krujë/Informacion paraprak
Rreth orës 17:10, në kryqëzimin e fshatit Gramëz, Fushë-Krujë, automjeti me drejtues shtetasin N. R., rreth 73 vjeç, është përplasur me automjetin me drejtues R. M., rreth 22 vjeç.
Nga aksidenti ka humbur jetën shtetasja T. L., 65 vjeçe (pasagjere në automjetin me drejtues shtetasin N. R) si dhe janë dëmtuar të dy drejtuesit e automjeteve dhe një këmbësore shtetasja A. S., rreth 40 vjeçe, të cilët ndodhen në spital, nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e rrethanave të aksidentit.
