VNA ka siguruar audion që zbardh përplasjen në sallën e gjyqit mes avokatit Ulian Bajrami dhe prokurorit Gjergji Ceka, e cila përfundoi me arrestimin e avokatit ditën e djeshme.
Në regjistrimin audio, dëgjohet avokati Bajrami duke kundërshtuar me forcë provat e paraqitura ndaj klientit të tij, të cilat ai i cilëson si të rreme. Gjatë debatit, ai shprehet se do të merret personalisht me prokurorin dhe paralajmëron ngritjen e një padie ndaj tij.
Në të njëjtën audio, gjyqtarja Megi Strakosha ndërhyn për të tërhequr vëmendjen ndaj gjuhës së papranueshme të përdorur nga avokati në sallën e gjyqit. Ajo e paralajmëron se, nëse do të vijonte me të njëjtën sjellje, do të përjashtohej nga seanca dhe klientit të tij do t’i caktohej një avokat kryesisht.
Pjesë nga audio-përgjimi:
Avokati: Kërkesa e prokurorit për caktim mase dhe vlerësim arresti bazohet në disa prova, një ndër to tregon se ka pasqyrim të rremë të të dhënave
Do merrem personalisht me prokurorin edhe me oficerët e policisë gjyqësore. Do të bëj kallëzim.
Gjyqtarja: Avokat nuk funksionon me kërcënim në sallën e gjyqit. Nuk ka rëndësi çfarë bëni ju me kë të doni jashtë kësaj salle.
Avokati Bajrami: Po konstatoj vepër penale znj. gjyqtare.
Gjyqtarja: Avokat do marr masa në bazë të asaj që më lejon kodi i procedurës. Ky lloj kërcënimi me mua si gjyqtare nuk të lejohet. Përqendrohu te mbrojtja që do i bësh të pandehurit tënd, ose do caktoj një avokat tjetër e do të nxjerrë përjashta nëse vazhdon me këtë gjuhë komunikimi. Paralajmërimi i fundit.
Avokati Bajrami: Nga sa pashë, konstatoj pasqyrim të të dhënave të rreme…
