Një aksident rrugor me përfshirjen e tre automjeteve është shënuar mesditën e sotme, më 19 tetor, në aksin Maminas – Gjiri i Lalëzit.
Si pasojë e përplasjes janë lënduar dy shtetase, J. K., 27 vjeçe dhe M. K., 23 vjeçe, të cilat udhëtonin si pasagjere në njërin prej automjeteve të përfshira në aksident.
Të plagosurat janë transportuar menjëherë drejt spitalit, ku po marrin ndihmën e nevojshme mjekësore. Sipas burimeve zyrtare, fatmirësisht ato ndodhen jashtë rrezikut për jetën.
Informacion paraprak
Në aksin rrugor “Maminas – Gjiri i Lalëzit”, janë përplasur tre automjete.
Si pasojë e aksidentit kanë mbetur të dëmtuara shtetaset J. K., 27 vjeçe, dhe M. K., 23 vjeçe, të cilat udhëtonin si pasagjere në njërin prej automjeteve. Të dëmtuarat po marrin ndihmë mjekësore dhe ndodhen jashtë rrezikut për jetën.
Grupi hetimor po punon për zbardhjen dhe dokumentimin e plotë të shkaqeve dhe rrethanave të aksidentit.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme
