Një incident i rëndë ka ndodhur pranë Gjimnazit “Shejnaze Juka” në Shkodër, ku një përleshje masive mes disa nxënësve ka sjellë lëndimin e të paktën tre prej tyre. Të lënduarit janë dërguar në spital për mjekim dhe aktualisht ndodhen jashtë rrezikut për jetën.
Ngjarja ka ndodhur rreth orës 11:10 dhe dyshohet se konfliktet kanë lindur për motive të dobëta në rrugë. Konflikti dyshohet se ka nisur mes të riut me inicialet A.K. dhe dy vëllezërit F.Th. dhe K.Th.
Përleshja ka nisur në ambientet e jashtme të gjimnazit dhe në të kanë marrë pjesë rreth 15 nxënës, disa prej të cilëve ishin të pajisur edhe me doreza hekuri. Policia ka nisur hetimet për zbardhjen e plotë të rrethanave të ngjarjes.
