Një ngjarje tronditëse është regjistruar pasditen e sotme në fshatin Pirg të bashkisë Maliq, ku një konflikt mes dy të miturve ka përfunduar me humbje jete.
Rreth orës 17:30, në ambientet e një lokali, dy 14-vjeçarë janë përfshirë në një përplasje fizike, e cila dyshohet se ka përfshirë edhe përdorimin e një thike. Si pasojë e plagëve të marra, Erald Xhejo, 14 vjeç, është transportuar me urgjencë në spitalin rajonal të Korçës, ku ka ndërruar jetë pak më vonë.
Autori i dyshuar i ngjarjes, Enedio Zguri, po ashtu 14 vjeç, është dërguar për ndihmë mjekësore dhe ndodhet aktualisht nën mbikëqyrjen e Policisë.
Ngjarja ka tronditur thellë komunitetin lokal, ndërsa grupi hetimor, nën drejtimin e Prokurorisë, vijon punën për zbardhjen e plotë të rrethanave.
