Banorët e Durrësit që janë kundër projektit TID, po zhvillojnë një takim me kryeministrin Rama në ambientet e Këshillit Bashkiak, pas protestave të vazhdueshme kundër grabitjes së pronës.
Mësohet se banorët dhe bizneset që preken nga projekti janë kontaktuar mbrëmjen e kaluar nga përfaqësues të bashkisë së Durrësit për të marrë pjesë në takimin me kreun e qeverisë.
Ndërkohë, këshilltarët e opozitës në bashkinë e Durrësit kanë kërkuar ngritjen e një komisioni hetimor, me qëllim verifikimin e ligjshmërisë dhe procedurave të miratimit të dokumenteve të planifikimit territorial që lidhen me këtë projekt.
