Pas kryeprokurorit Olsian Çela që doli kundër disa ndryshimeve në Kodin e ri Penal, edhe Dhoma e Avokatisë së Shqipërisë do të jetë në të njëjtën anë. Kreu i Dhomës, Maksim Haxhiaj, ka lajmëruar konferencë për shtyp për të bërë publike kundërshtimet që mbrojtësit ligjorë kanë për Kodin.
Pak ditë më parë, ministri i Drejtësisë, Ulsi Manja, prezantoi Kodin e ri Penal dhe drejtori i Shkollës së Magjistraturës renditi ndryshimet kryesore, të cilat i konsideroi si risi.
