Pas 10 ditësh bllokimi, segmenti rrugor në zonën e “Arrave të Gurrës” në Librazhd pritet të rihapet për qarkullimin e automjeteve nesër, në orën 12:00.
ARRSH njofton se gjatë ditëve të fundit janë përshpejtuar punimet për stabilizimin e zonës së prekur nga rrëshqitja e dherave, si dhe për përgatitjen e kalimit të përkohshëm që do të mundësojë rikthimin e lëvizjes në aksin Librazhd–Prrenjas.
Hapja e rrugës pritet të lehtësojë ndjeshëm qarkullimin dhe të rikthejë normalitetin për banorët dhe bizneset e zonës.
